Нефтнинг Brent маркаси нархи баррелига 49 доллардан пасайди

Икки кун давомида етти фоизга қимматлашган нефть нархи ОПЕК мамлакатларининг қазиб олишни камайтириш юзасидан келишуви тўғрисидаги янгиликдан сўнг 30 сентябрь, жума куни пасаймоқда. Бу ҳақда «Интерфакс» хабар бермоқда.

Нефтнинг Brent маркаси ноябрь фьючерслари Лондоннинг ICE Futures биржасида Тошкент вақти билан 9:55 да 0,7 фоизга арзонлашиб, баррелига 48,88 долларни ташкил этди.

WTI маркали нефтнинг ноябрь ойи фьючерслари эса Нью-Йорк савдо биржасида бу пайтга келиб 0,6 фоизга пасайиб, баррелига 47,55 долларни ташкил этди.