Google Pixel XL смартфони видеода кўрсатилди

Twitter’даги OnLeaks саҳифаси муаллифи Стив Хеммерстоффер YouTube’даги каналида янги Google Pixel XL смартфонининг видеорендерини чоп этди. Бу ҳақда «Hi-Tech.Mail.ru» хабар бермоқда.

Google янги смартфонлар расман 4 октябрь куни тақдим этилишини маълум қилган эди. Кутилаётган Pixel XL ва Pixel смартфонлари бозорда Nexus’нинг ўрнини эгаллаши кутилмоқда.

Хеммерстоффернинг сўзларига қараганда, видеорендер вазиятни яхши биладиган манбанинг сўзларига асосланган ҳолда яратилган. Google Pixel XL’нинг ўлчамлари — 154,72 х 75,74 х 7,3 миллиметр, юқори қисми қалинлиги — 8,5 миллиметр. Шу тариқа, Google Pixel XL ўтган йилги Nexus 6P ва янги iPhone 7 Plus’дан йирикроқ бўлади.

Смартфоннинг тахминий техник тавсифи:

Оператив хотира: 4 Гб

Доимий хотира: 32 Гб ва юқори

Экран: 5,5 дюйм, 2К

Асосий камера: 12 Мп, Sony IMX378

Фронтал камера: 8 Мп, Sony IMX179

Бармоқ излари сканери: бор

Аккумулятор: 3450 мА/соат

Оператив дастур: Android 7.1