Google Pixel XL smartfoni videoda ko‘rsatildi

Twitter’dagi OnLeaks sahifasi muallifi Stiv Xemmerstoffer YouTube’dagi kanalida yangi Google Pixel XL smartfonining videorenderini chop etdi. Bu haqda “Hi-Tech.Mail.ru” xabar bermoqda.

Google yangi smartfonlar rasman 4-oktabr kuni taqdim etilishini ma’lum qilgan edi. Kutilayotgan Pixel XL va Pixel smartfonlari bozorda Nexus’ning o‘rnini egallashi kutilmoqda.

Xemmerstofferning so‘zlariga qaraganda, videorender vaziyatni yaxshi biladigan manbaning so‘zlariga asoslangan holda yaratilgan. Google Pixel XL’ning o‘lchamlari — 154,72 x 75,74 x 7,3 millimetr, yuqori qismi qalinligi — 8,5 millimetr. Shu tariqa, Google Pixel XL o‘tgan yilgi Nexus 6P va yangi iPhone 7 Plus’dan yirikroq bo‘ladi.

Smartfonning taxminiy texnik tavsifi:

Operativ xotira: 4 Gb

Doimiy xotira: 32 Gb va yuqori

Ekran: 5,5 dyuym, 2K

Asosiy kamera: 12 Mp, Sony IMX378

Frontal kamera: 8 Mp, Sony IMX179

Barmoq izlari skaneri: bor

Akkumulyator: 3450 mA/soat

Operativ dastur: Android 7.1