Futbol bo‘yicha Yevropa Chempionlar Ligasining guruh bosqichida 2-tur bellashuvlariga to‘liq yakun yasaldi.
“A” guruhini Parijdagi durang bilan boshlagan “Arsenal” futbolchilari Londonda “Bazel”ni taslim qildi. Teo Uolkottning dubliga shveysariyaliklar javob qaytara olmadi. “PSJ” esa Bolgariyada zafar quchib, to‘plar nisbatiga ko‘ra guruhda karvonboshiga aylanib oldi.
“B” guruhida Neapolning “Napoli” klubi yaqqol peshqadam. Ilk turni Kiyevdagi g‘alaba bilan boshlagan italiyaliklar, bu safar “Benfika”ga imkoniyat qoldirmadi. Kiyevliklar esa Turkiyadan 1 ochko bilan qaytdi.
Pep Gvardiola boshqaruvida “Manchester Siti” futbolchilari ilk bor ochko yo‘qotdi. Brendan Rojers boshchilik qiladigan “Seltik” mehmoni bo‘lgan inglizlar 3:3 hisobida durang o‘ynadi. Bir tur avval “Barselona” shotlandlar darvozasiga javobsiz 7 ta gol urishga muvaffaq bo‘lgandi.
Karlo Anchelotti bilan Chempionlar Ligasini 5:0 hisobidagi g‘alaba bilan boshlagan “Bavariya”, mazkur mutaxassis boshqaruvidagi ilk mag‘lubiyatini Madridda qabul qildi. “Atletiko” maydoniga tashrif buyurgan Myunxen klubi 1 ta penaltidan qutulib qolib ham, o‘tkazib yuborgan goliga javob qaytara olmadi. O‘tgan mavsum yarim finalida “Bavariya” aynan “Atletiko” dovonidan o‘ta olmagandi.
Chempionlar Ligasining seshanba oqshomida bo‘lib o‘tgan sakkizta o‘yini natijasi bilan shu havola orqali tanishish mumkin.
Yevropa Chempionlar Ligasi 2-tur bellashuvlari 28-sentabr, chorshanba
“A” guruhi
“Arsenal” (Angliya) — “Bazel” (Shveysariya) 2:0
Gollar: Teo Uolkott, 7 (1:0). Teo Uolkott, 26 (2:0).“Ludogorets” (Bolgariya) — “PSJ” (Fransiya) 1:3
Gollar: Natanael, 16 (1:0). Blez Matyuidi, 41 (1:1). Edinson Kavani, 56 (1:2). Edinson Kavani, 60 (1:3).Noaniq penalti: Kozmin Motsi, 59 (L).
“B” guruhi
“Napoli” (Italiya) — “Benfika” (Portugaliya) 4:2
Gollar: Marek Hamshik, 20 (1:0). Dris Mertens, 51 (2:0). Arkadiush Milik, 54-pen (3:0). Dris Mertens, 58 (4:0). Gonsalu Gedesh, 71 (4:1). Eduardo Salvio, 86 (4:2).“Beshiktosh” (Turkiya) — “Dinamo Kiyev” (Ukraina) 1:1
Gollar: Rikardu Kuarejma, 29 (1:0). Viktor Sigankov, 65 (1:1).
“C” guruhi
“Borussiya Myonxengladbax” (Germaniya) — “Barselona” (Ispaniya) 1:2
Gollar: Torgan Azar, 34 (1:0). Arda Turan, 65 (1:1). Jerar Pike, 74 (1:2).“Seltik” (Shotlandiya) — “Manchester Siti” (Angliya) 3:3
Gollar: Mussa Dembele, 3 (1:0). Fernandino, 12 (1:1). Rahim Sterling, 20-avt (2:1). Rahim Sterling, 28 (2:2). Mussa Dembele, 46 (3:2). Nolito, 55 (3:3).
“D” guruhi
“Rostov” (Rossiya) — “PSV” (Gollandiya) 2:2
Gollar: Dmitriy Poloz, 8 (1:0). Devi Pryopper, 14 (1:1). Dmitriy Poloz, 37 (2:1). Lyuk de Yong, 45+2 (2:2).Noaniq penalti: Devi Pryopper, 56 (P).“Atletiko” (Ispaniya) — “Bavariya” (Germaniya) 1:0
Gol: Yannik Karrasko, 35 (1:0).Noaniq penalti: Antuan Grizmann, 84 (A).
Izoh (0)