Xiaomi компанияси Хитой давлат конференц-марказида ўтказилган тақдимот маросимида янги Mi5s ва Mi5s Plus смартфонларини намойиш этди. Шунингдек, тадбирда янги телевизорлар, акустика ва караоке микрофони тақдим этилди, деб хабар беради «Hi-Tech.Mail.ru».
Xiaomi Mi5s смартфони Qualcomm Snapdragon 821 чипсетида ишлайди. У NFC алоқасиз тўловлар сервиси ва 4G тармоғини қўллаб-қувватлайди. Бармоқ излари сканери «Уйга» тугмасига ўрнатилган бўлиб, ультратовушлидир, яъни аниқроқ ишлайди, бармоқни ҳар қандай ҳолатда таний олади.
Ускунанинг техник тавсифи:
Чипсет: Qualcomm Snapdragon 821Экран: 5,15 дюйм, 2.5D-шиша, ёруғлик — 600 нит
Доимий хотира: 64/128 Гб
Асосий камера: Sony IMX378, 1/2.3 дюйм, 1.55 мкм
Quick Charge 3.0 тезкор қувватлантириш тизими: бор
Ранглари: тўқ кул ранг, кумуш ранг, тилла ранг, пушти ранг олтин
NFC: бор
4G+: бор
Айтилишича, сўровдан ўтказилган фойдаланувчиларнинг 55 фоизига ва профессионал сураткашларнинг 49 фоизига смартфонда олинган фотосуратлар маъқул тушган.
Xiaomi Mi5s Plus эса ишлаб чиқарувчи томонидан iPhone 7 Plus билан бир неча маротаба қиёсланди. Шу билан бирга, хитойликлар ўз маҳсулотининг устун тарафларига кўпроқ урғу берди. Жумладан, айтилишича, янги смартфон корпуси бироз кичикроқ, лекин экран бироз каттароқ — диагонали 5,7 дюймга тенг. Бундан ташқари, Xiaomi Mi5s Plus Apple смартфонидан 20 граммга енгилроқдир.
Ускунанинг техник тавсифи:
Чипсет: Qualcomm Snapdragon 821Оператив хотира: 4/6 Гб
Доимий хотира: 64/128 Гб
Экран: 5,7 дюйм, 2.5D-шиша, ёруғлик — 600 нит
Асосий камера: иккиталик, 13 Мп
Quick Charge 3.0 тезкор қувватлантириш тизими: бор
Ранглари: кумуш ранг, тилла ранг, пушти ранг олтин, ҳаво ранг
NFC: бор
4G+: бор
Смартфон иккиталик камерага эга.
Изоҳ (0)