Пойга автомобилларини ишлаб чиқарувчи McLaren Technology Group компанияси Apple корпорацияси билан сотув бўйича музокаралар олиб бораётгани ҳақидаги хабарларни рад этди, деб ёзади «Газета.ru».
«Бу ҳақиқатга мутлақо тўғри келмайди», — дея аниқлик киритди автомобиль ишлаб чиқарувчининг вакили Business Insider нашрига.
Унинг қўшимча қилишича, Apple таркибига кириш борасида ҳам, стратегик инвестициялар бўйича ҳам музокаралар олиб борилмаяпти.
Аввалроқ Американинг Apple компанияси Британиянинг спорт автомобиллари ишлаб чиқарадиган ва «Формула-1» жамоасига эгалик қиладиган McLaren Technology Group компаниялар гуруҳини сотиб олмоқчи эканлиги хабар берилган эди.
Изоҳ (0)