Бугун,

  • USD 11014.01
  • RUB 191.8
  • EUR 10674.78

Ўзбекистон Президенти вазифасини бажарувчи, бош вазир Шавкат Мирзиёев 24 сентябрь, шанба куни Навоий ва Бухоро вилоятларига ташриф буюрди, дея хабар бермоқда «Газета.uz» «Ўзбекистон» телеканалининг «Ахборот» дастурига таяниб.

Фото: «Газета.uz»

Фото: «Газета.uz»

Навоий вилоятида у «Навоийазот» акциядорлик жамиятида амалга оширилаётган йирик лойиҳалар, хусусан, поливинилхлорид, каустик сода ва метанол ишлаб чиқарувчи, шунингдек, аммиак ва карбамид ишлаб чиқарувчи корхоналар мажмуаси қурилиши билан танишди.

«Навоийазот»нинг яна бир муҳим лойиҳаси — азот кислотаси ишлаб чиқарувчи ташкилот, у замонавий энергия тежайдиган технологиялар билан жиҳозланган бўлиб, йилига 500 минг тонна азот кислотаси ишлаб чиқариш қувватига эга.

Сўнг Шавкат Мирзиёев Навоий шаҳридаги ободонлаштириш ишларини текширди. Вилоят ва шаҳар раҳбарияти иштирокида Навоийнинг бош режаси амалга оширилишининг бориши, маиший чиқиндиларни утилизация қилиш бўйича вазифалар, арзон турар-жой қуриш масалалари муҳокама этилди.

Вилоят бўйлаб сафар чоғида Президент вазифасини бажарувчи пахта далаларини кўздан кечирди ва Кармана тумани фермерлари билан суҳбатлашди.

Шу куниёқ Шавкат Мирзиёев Бухоро вилоятидаги Қандим газни қайта ишлаш заводи қурилиш майдонида бўлди. 2,6 миллиард долларлик лойиҳа Россиянинг «ЛУКОЙЛ» нефть компанияси билан ҳамкорликда, Кореянинг Hyundai Engineering ва Сингапурнинг ENTER Engineering компанияларини жалб қилган ҳолда амалга оширилмоқда.

Шавкат Мирзиёев объектда «ЛУКОЙЛ» президенти Вагит Алекперов билан учрашди. Томонлар ҳамкорликни кенгайтиришнинг истиқболли йўналишларини муҳокама қилди.

Изоҳ
Асосий янгиликлар