Номаълум хакер Кембридж герцогиняси Кейт Миддлтоннинг синглиси — Пиппа Миддлтоннинг iCloud’даги аккаунтини бузиб кириб, у ердан ўғирланган 3 мингга яқин фотосуратни интернетга сотувга қўйди. Бу ҳақда, Daily Mail’га асосланиб, «ТАСС» хабар бермоқда.
Ўғирланган суратларни қонунбузар 50 минг фунт стерлингга (65 минг доллар) сотиб олишни режалаштирмоқда.
Номаълум хакер Британиянинг етакчи нашрлари билан боғланиб, суратларни айнан уларга таклиф қилди. Булар орасида қироллик оиласининг шахсий ҳаётини кенг ёритиб боришга интиладиган таблоидлар ҳам бор.
Жамланмада Кейт Миддлтон, шунингдек, Британия тахтининг валиаҳди шаҳзода Жорж ҳамда малика Шарлоттанинг фотосуратлари борлиги айтилмоқда.
Суратлар Пиппанинг смартфонига туширилгани боис уларда кўплаб маросим, зиёфат ва оилавий тадбирлар акс этган, деб хабар беради газета.
Изоҳ (0)