Xaker Britaniya qirollik oilasining 3 mingga yaqin fotosuratlarini o‘g‘irladi
Noma’lum xaker Kembridj gersoginyasi Keyt Middltonning singlisi — Pippa Middltonning iCloud’dagi akkauntini buzib kirib, u yerdan o‘g‘irlangan 3 mingga yaqin fotosuratni internetga sotuvga qo‘ydi. Bu haqda, Daily Mail’ga asoslanib, “TASS” xabar bermoqda.
O‘g‘irlangan suratlarni qonunbuzar 50 ming funt sterlingga (65 ming dollar) sotib olishni rejalashtirmoqda.
Noma’lum xaker Britaniyaning yetakchi nashrlari bilan bog‘lanib, suratlarni aynan ularga taklif qildi. Bular orasida qirollik oilasining shaxsiy hayotini keng yoritib borishga intiladigan tabloidlar ham bor.
Jamlanmada Keyt Middlton, shuningdek, Britaniya taxtining valiahdi shahzoda Jorj hamda malika Sharlottaning fotosuratlari borligi aytilmoqda.
Suratlar Pippaning smartfoniga tushirilgani bois ularda ko‘plab marosim, ziyofat va oilaviy tadbirlar aks etgan, deb xabar beradi gazeta.
