Мексиканинг Тинч океани соҳилларида «Пейн» циклони Саффир—Симпсон шкаласи бўйича биринчи тоифадаги довул кучини йиғди. Бу ҳақда 19 сентябрь, душанба куни Мексика миллий метеорология хизмати маълум қилди, дея хабар беради «ТАСС».
«Пейн» циклони Мексиканинг Қуйи Жанубий Калифорния штати қирғоқларидан 450 километр узоқда бўлиб, шимоли-ғарбий йўналиш бўйлаб сониясига 6,7 метр тезликда ҳаракат қилмоқда.
Довул штатнинг бир қатор туманларида ўта кучли ёғингарчиликка, Мехико, Морелос, Пуэбла штатлари ва мамлакат пойтахтида эса 50 дан 75 миллиметргача ёғин тушишига сабаб бўлиши кутилмоқда.
Расмийлар аҳолини эҳтиёт чораларини кўриш, жойлардаги фуқаро муҳофазаси тизимлари огоҳлантирувларини кузатиб боришга чақирди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)