Италиядаги фаррошлари ишдан бўшаган шаҳар мэри кўча тозалашга ўзи чиқди

Сардиниядаги (Италия) Дзерфалиу шаҳри раҳбари мэрия маош тўлаган барча фаррошлар ишдан бўшагани туфайли кўча супуришга чиқди. Мэр ва унинг ўринбосарлари бозор бўладиган кун арафасида марказий майдонни ўзлари тозалашларига тўғри келди. Бу ҳақда «Вести.ru» хабар бермоқда.

Мэрия вакиллари мансабдор майдонни тозалаб бўлгунига қадар унга кўп қўнғироқ қилишгани, котибага эса раҳбар жойида эмаслигини тушунтиришига тўғри келганини тан олди. Шаҳар марказини тозалашда нафақат мэрнинг ёрдамчиси, балки отаси ва маҳаллий шаҳар кенгаши раиси ҳам иштирок этди.

Дзерфалиунинг барча фаррошлари бирданига ишдан бўшашга қарор қилгани сабаби номаълум, бироқ уларни алмаштириш учун ярим йилдан кўпроқ одам қидирилгани, бироқ топилмагани айтилмоқда. Бюрократик муаммолар ҳал этилишини кутиб ўтирмай, мэр супургини қўлга олишга қарор қилди.

Ижтимоий тармоқларнинг аксарият фойдаланувчилари унинг ҳаракатини маъқуллаган ва Италиядаги айрим шаҳарлар мансабдорлари ҳам баъзан шундай йўл тутишини билдирган.