YouTube’да Ўзбекистон Биринчи Президенти Ислом Каримов фаолиятига бағишланган «Эъзоз» ҳужжатли фильми эълон қилинди

YouTube’да «Ўзбеккино» Миллий агентлиги буюртмасига асосан 2015 йили Ўзбекистон илмий-оммабоп ва ҳужжатли фильмлар киностудияси томонидан суратга олинган «Эъзоз» ҳужжатли фильми эълон қилинди.

Фильмда мустақилликни қўлга киритишда Ўзбекистон халқи бошидан кечирганлари тарихий саналар ва ҳужжатлар асосида очиб берилган, дейилади Ўзбекистон илмий-оммабоп ва ҳужжатли фильмлар киностудияси ахборотида.

Эътиборли томони, фильмда Ўзбекистоннинг Биринчи Президенти Ислом Каримовнинг ёшлик йиллари алоҳида саҳналаштирилган.

Ҳужжатли фильм журналист Комилжон Шамсиддиновнинг сценарийси асосида режиссёр Акром Маҳкамов томонидан суратга олинди. Фильм оператори — Музаффар Юсупов.

Фильмда Ўзбекистон Президенти матбуот хизмати, ЎзМТРК, Ўзбекистон Кинофотофоноҳужжатлари давлат архиви материалларидан фойдаланилган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.