Польшада 2010 йили Россияга йўл олган президент Лех Качиньский ва унинг ҳамроҳлари Смоленск вилоятида авиаҳалокат қурбон бўлишига бағишланган «Смоленск» бадиий фильми экранларга чиқди. Бу ҳақда «Коммерсант.ru» хабар бермоқда.
Фильм режиссёри Антони Краузе премьера арафасида картинада тарих бадиийлаштирилмагани, унда Смоленск фожиаси ҳақида бор ҳақиқат жамланганини билдирди. У самолёт бортида портлаш рўй бергани ҳақидаги тахминга ишонишини яширмади.
Фильм сюжети Польша телеканалининг қурбонлар яқинлари, расмийлар вакиллари ва авиаҳалокат гувоҳлари билан мулоқотда бўлиб, репортаж учун материал тўплаётган Нина исмли мухбир иши атрофида қурилган. Унга ҳужжатли съёмка кадрлари, авиаҳалокатдан сўнг бўлиб ўтган тадбирлардан (Варшавадаги мотам митинглари, президент ва унинг турмуш ўртоғи дафн маросимлари, Польша прокуратураси ва Халқаро авиация қўмитаси матбуот анжуманлари) репортажлар киритилган.
Изоҳ (0)