Конгресс вакиллар палатаси АҚШда халқаро террорчи ташкилотлар уюштирган ҳужумлар қурбонлари оиласига уларни қўллаётган давлатларга нисбатан мамлакат ҳудудида даъво қўзғаш ҳуқуқини берувчи ҳужжатни имзолади. Бу ҳақда «РБК» хабар бермоқда.
Мазкур ҳужжат расмийларга бошқа давлатларнинг АҚШдаги банк ҳисоб рақамлари ва бошқа активларини музлатиш имконини беради. Май ўрталарида ҳужжат сенат томонидан маъқулланганди.
Ушбу ташаббус туфайли, жумладан, 2001 йилнинг 11 сентябрь терактларида яқинларини йўқотган америкаликлар Саудия Арабистонига қарши даъво қўзғаши мумкин. Терактнинг 19 нафар иштирокчисидан 15 нафари саудиялик бўлган ва улар, тасдиқланмаган маълумотларга кўра, мамлакат расмийлари билан боғлиқ мансабдорлардан ёрдам олган.
Барак Обаманинг Яқин Шарқ сиёсати бўйича собиқ маслаҳатчиси Деннис Росснинг таъкидлашича, президент маъмурияти Конгресс томонидан қабул қилинган ҳужжатга тақиқ қўйишга бор кучи билан ҳаракат қилади. Бироқ қонун чиқарувчилар деярли якдиллик билан ҳужжат учун овоз бергани Конгрессга мазкур тақиқни енгиб ўтиш имкониятини туғдириши мумкин.
Изоҳ (0)