Дамашқ Россия ва АҚШнинг Сурия бўйича келишувлари мазмунидан хабардор ва уларга риоя этишга тайёр. Бу ҳақда Россия ташқи ишлар вазири Сергей Лавров маълум қилди, дея хабар беради «Коммерсантъ».
«Сурия раҳбарияти биз томонимиздан мазкур келишувлар билан таништирилган ва уларни бажаришга тайёр. Биз АҚШ билан келишиб олган масалаларни қўллаб-қувватламоқда», — дея таъкидлади Лавров АҚШ Давлат котиби Жон Керри билан Женевадаги музокаралари якунидан сўнг.
Вазирга кўра, икки мамлакат Суриядаги вазиятни барқарорлаштиришга қаратилган 5 та ҳужжатдан иборат келишувлар тўплами ҳақида бир қарорга келган. Улар терроризмга қарши кураш бўйича самарали мувофиқлаштиришни йўлга қўйиш, аҳоли, хусусан, Алеппо фуқароларига гуманитар ёрдам кўламини кенгайтириш, жанговар ҳаракатларни тўхтатиш тартибини мустаҳкамлашга қаратилган.
Изоҳ (0)