Ўзбекистон футболчилари — Доҳада: ташқарида ҳаво ҳарорати +41 даража иссиқ, Warwick меҳмонхонаси эса салқин (видео)

Футбол бўйича Ўзбекистон миллий терма жамоаси ЖЧ—2018 саралаш босқичидаги навбатдаги учрашувни ўтказиш учун Қатар пойтахти Доҳага етиб борди. Бу ҳақда ЎФФ матбуот хизматининг Twitter’даги саҳифасида ахборот берилган.

ЎФФ матбуот хизматининг Telegram’даги каналида қолдирилган ахборотга кўра, шу кеча-кундузда Доҳада кундузи ҳаво ҳарорати +41...+44 даражагача кўтарилмоқда. Терма жамоа футболчилари Доҳадага Warwick меҳмонхонасига жойлашган.

Қатарга йўл олган ўзбекистонлик футболчилар орасида ярим ҳимоячи Азиз Ҳайдаров йўқ — хабар беришларича, футболчи сонининг орқа қисмидан жароҳат олган. Умуман, Доҳада бўладиган ўйинга бош мураббий Самвел Бабаян 23 нафар футболчини олиб кетган:

Дарвозабонлар: Александр Лобанов («Пахтакор»), Игнатий Нестеров («Локомотив»), Элдор Суюнов («Насаф»)

Ҳимоячилар: Ислом Тўхтахўжаев («Локомотив»), Егор Кримец («Бейжинг Гуоан» – Хитой), Анзур Исмоилов («Чангчун Ятаи» – Хитой), Азим Аҳмедов («Пахтакор»), Даврон Ҳошимов («Пахтакор»), Виталий Денисов («Локомотив» – Россия), Станислав Андреев («Пахтакор»), Отабек Шукуров («Бунёдкор»).

Ярим ҳимоячилар: Одил Аҳмедов («Краснодар» – Россия), Сардор Рашидов («Ал-Жаиш» – Қатар), Элдор Шомуродов («Бунёдкор»), Жасур Ҳасанов («Қизилқум»), Жавоҳир Соҳибов («Пахтакор»), Марат Бикмаев («Локомотив»), Достон Ҳамдамов («Бунёдкор»), Саламат Қутибоев («Бухоро»), Жамшид Искандеров («Пахтакор»), Сервер Жепаров («Локомотив»)

Ҳужумчилар: Игорь Сергеев («Бейжинг Гуоан» – Хитой), Александр Гейнрих («Ордабаси» - Қозоғистон)

Эслатиб ўтамиз, Қатар ва Ўзбекистон миллий терма жамоалари ўртасидаги ЖЧ—2018 саралаш учрашуви 6 сентябрь, сешанба куни Тошкент вақти билан 21:00 да бошланади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.