Ўзбекистоннинг барча умумтаълим мактабларида 4 сентябрь, якшанба кунидан бошланадиган янги ўқув йилидаги биринчи дарс мамлакатнинг Биринчи Президенти Ислом Каримовга бағишланган «Хотира дарси» бўлади. Бу ҳақда Халқ таълими вазирлиги матбуот хизмати хабар бермоқда, дея маълум қилади «Газета.uz»
«Хотира дарси»да Ислом Каримовнинг ҳаёти ва фаолияти, Ўзбекистоннинг бугунги даражага етишидаги улкан хизматлари ҳақида ҳикоя қилинади.
Вазирлик маълумотларига кўра, 2016—2017-ўқув йилида мамлакатдаги 9692 мактабда 4,7 миллион ўқувчи ўқишни давом эттиради. 640 минг бола илк бор мактаб остонасини ҳатлайди. Уларнинг барчасига Президент совғаси — 12 номдаги ўқув қуроллари бўлган сумка тақдим этилади.
Изоҳ (0)