Пичоқ кўтарган аёл 22 август, душанба, кунининг иккинчи ярмида Брюсселнинг Уккль коммунаси, Баскюль даҳасида ваҳимага сабаб бўлди. Daily Mail унинг қўлида мачете бўлганини таъкидламоқда, дея хабар беради «Интерфакс».
Гувоҳларга кўра, аёл «Баскюль» бекатида автобусда икки кишини яралади. Ҳодиса жойига етиб келган полициячилар уни қуршаб олмоқчи бўлди, бироқ аёл яқин атрофдаги савдо қаторларида яширинишга уринди. У пичоқ билан таҳдид қилгани сабабли полициячилар ўқ узишга мажбур бўлди. Аёл яралангани, лекин тирик қолгани айтилмоқда.
ОАВларнинг ҳуқуқ-тартибот идораларига таяниб билдиришича, ҳодисани теракт сифатида баҳолашга асос йўқ, аёлнинг руҳий хаста эканлиги эҳтимолга яқинроқ ҳисобланмоқда.
Изоҳ (0)