16 августдан 17 августга ўтар кечаси «ВКонтакте» ижтимоий тармоғи барча фойдаланувчиларни сайтнинг янги версиясига ўтказди. Бу ҳақда TJournal хабар бермоқда.
Ўтказишнинг асосий жараёни Москва вақти бўйича 3:30 да (Тошкент вақти бўйича 5:30) бошланди.
«‘ВКонтакте’ фойдаланувчиларни ўн йилга яқин вақтдан буён хурсанд қилиб келмоқда. Шу вақт давомида биз сайтни қулай, чиройли ва замонавий қилишга ҳаракат қилдик. Жамоамиз янги дизайн устида узоқ вақт меҳнат қилди, апрелдан бошлаб эса бизга биринчи фойдаланувчилар ҳам кўмак бера бошлади», — дейди «ВКонтакте» жамоаси.
«ВКонтакте»нинг янги дизайни 1 апрелдан бошлаб синовдан ўтказила бошланди. Июнь ойининг бошидан бошлаб илк фойдаланувчилар янги дизайнга мажбуран (эски версияга қайтиш имкониятисиз) ўтказила бошланди.
Изоҳ (0)