Афсонавий боксчилардан бири Флойд Мейвезер Олимпиада жангларини бевосита томоша қилиш учун Рио-де-Жанейро шаҳрига етиб келди, деб хабар берди «Оламспорт».
Фото: «Оламспорт»
Бундан кўзланган мақсад — турли вазн тоифаларидаги финал жангларини томоша қилиш ва ўзига ёққан ёш боксчиларни Мейвезер промоутерлик компанияси билан ҳамкорликка жалб қилиш.
Рио—2016 Олимпиадасидаги илк финал жангида ўзбекистонлик Ҳасанбой Дўстматов колумбиялик Мартинесга қарши рингга чиқади. Флойд Мейвезер ўзининг Instagram саҳифасида Риодаги барча финал жангларини томоша қилиши ҳақида пост қолдирган.
Ўзбекистонлик профессионал боксчи Санжар Раҳмонов айнан Флойд Мейвезер промоутерлик компанияси билан шартнома имзолаган бўлиб, жангларини шу компания номидан ўтказиб келади.
Фото: «Оламспорт»
