Afsonaviy bokschilardan biri Floyd Meyvezer Olimpiada janglarini bevosita tomosha qilish uchun Rio-de-Janeyro shahriga yetib keldi, deb xabar berdi “Olamsport”.
Bundan ko‘zlangan maqsad — turli vazn toifalaridagi final janglarini tomosha qilish va o‘ziga yoqqan yosh bokschilarni Meyvezer promouterlik kompaniyasi bilan hamkorlikka jalb qilish.
Rio—2016 Olimpiadasidagi ilk final jangida o‘zbekistonlik Hasanboy Do‘stmatov kolumbiyalik Martinesga qarshi ringga chiqadi. Floyd Meyvezer o‘zining Instagram sahifasida Riodagi barcha final janglarini tomosha qilishi haqida post qoldirgan.
O‘zbekistonlik professional bokschi Sanjar Rahmonov aynan Floyd Meyvezer promouterlik kompaniyasi bilan shartnoma imzolagan bo‘lib, janglarini shu kompaniya nomidan o‘tkazib keladi.
Izoh (0)