Америкалик қиз пардоз ёрдамида 97 ёшли катта бувисининг қиёфасини бутунлай ўзгартириб юборди

Американинг Техас штатида яшовчи қиз пардоз ёрдамида 97 ёшли катта бувисининг ташқи қиёфасини бутунлай ўзгартириб юборди. Бу ҳақда Daily Mail хабар бермоқда.

18 ёшли талаба ва визажист Тэйлор Тримбл пардоз натижасини Twitter’даги саҳифасига 8 май куни жойлаштирган. Бироқ ОАВлар бу ғаройиб қиёфа ўзгаришига энди эътибор қаратди. Суратлар саккиз мингдан ортиқ «лайк» тўплаган.

Тримблнинг нашрга маълум қилишича, у катта бувиси Дорисни кўриш учун қариялар уйига борганда уни пардоз қилиб қўйган. Ижтимоий тармоқ фойдаланувчилари аксариятининг фикрича, пенсионер аёл пардоз туфайли ёшига қараганда анча ёш кўрина бошлаган.