ТДТУнинг собиқ ректори Ўзбекистон бош вазири ўринбосари этиб тайинланди

Мажид Каримов Ўзбекистон бош вазирининг ўринбосари этиб тайинланди. Бу ҳақда UzReport хабар бермоқда.

Бунгача Мажид Каримов Тошкент давлат техника университети ректори лавозимида ишлаб келаётган эди.

Ўзбекистон ҳукумати портали маълумотларига кўра, Мажид Каримов Вазирлар Маҳкамасида Ёшлар сиёсати, таълим, маданият ва спорт масалалари комплекси раҳбари сифатида фаолият олиб боради.

UZ24’нинг ёзишича, 1956 йилда туғилган Мажид Каримов 1979 йили Тошкент политехника институтини тамомлаган ва шу йили ўқитувчилик фаолиятини бошлаган.

Техника фанлари доктори даражасига эга бўлган Мажид Каримов 2012 йилдан бери Тошкент давлат техника университетига раҳбарлик қилиб келаётган эди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.