ОАВ: Таиланддаги портлаш оқибатида 1 киши ҳалок бўлди, 7 киши яраланди

Таиланд жанубидаги Транг провинциясида жойлашган бозорлардан бирида бомба портлаши оқибатида 1 киши ҳалок бўлди, яна 7 нафари яраланди. Бу ҳақда The Nation газетасининг сайтига таяниб, «ТАСС» хабар бермоқда.

Маълум бўлишича, ҳодиса шаҳар мэрияси яқинидаги бозор ҳудудида, маҳаллий вақт билан роппа-роса 15:00 да содир бўлди. Воқеа жойи полициячилар билан қуршаб олинди. Ҳодиса юзасидан суриштирув ишлари олиб борилмоқда.

Жароҳат олганларнинг аксарияти кечки савдога тайёрланаётган бозор ходимлари бўлган.