2016 йилнинг биринчи ярмида Инвестиция дастури доирасида 43 та ишлаб чиқариш объекти ишга туширилди

Ўзбекистон Миллий ахборот агентлиги Ўзбекистон Республикасини 2016 йилнинг биринчи ярмида ижтимоий-иқтисодий ривожлантириш якунларини эълон қилди.

Унга кўра, шу йилнинг биринчи ярмида Инвестиция дастури доирасида умумий қиймати 1,9 миллиард долларлик 43 ишлаб чиқариш объекти ишга туширилди.

Жумладан, «Жиззах вилоятидаги цемент заводини кенгайтириш», «GM Ўзбекистон» акциядорлик жамиятида «Т-250 русумидаги енгил автомобиллар ишлаб чиқаришни ташкил қилиш», «Индорама Қўқон текстиль» хорижий корхонасида йигирув корхонаси ташкил этиш (IV-босқич)», Андижон вилояти Булоқбоши туманидаги «Фантекс» масъулияти чекланган жамиятида йигирув корхонаси ташкил қилиш», «Мойлисой кони қурилиши», «ГMЗ-3 да техник сувни чиқариш мосламаси ва чучуклаштириш қурилмасини қуриш», «Жиззах пластмасса» акциядорлик жамиятида полиэтилен плёнка ва қувурлар, «Жиззах» махсус индустриал зонаси ҳудудида шиша толасидан иссиқлик изоляция буюмлари ва кенг турдаги электр қурилма ҳамда электротехника маҳсулотлари ишлаб чиқаришни ташкил этиш ва бошқа лойиҳалар шулар жумласидандир.

Шу билан бирга, умумий қиймати 3,4 миллиард доллардан зиёд 72 йирик янги инвестиция лойиҳаси амалга оширилмоқда.