Ўзбекистон Республикаси Фанлар академияси Тарих институти Мирзо Улуғбек номли Ўзбекистон Миллий университети ҳузуридаги Тарих институти этиб қайта ташкил қилинади, дея хабар бермоқда «Газета.uz» Президент қарори (pdf)га таяниб.
Қайд этилишича, ушбу қарор Ўзбекистон тарихи соҳасидаги илмий тадқиқотлар самарадорлигини ошириш, илмий-тадқиқот фаолиятининг ўқув жараёни билан ўзаро алоқасини кучайтириш, ўзбек халқи ҳамда миллий давлатчилик тарихи соҳасидаги фундаментал ва амалий тадқиқотларни олиб боришга профессор-ўқитувчиларни, катта илмий ходим-изланувчилар ва талабаларни кенг жалб қилиш мақсадида қабул қилинган.
Миллий университет ҳузуридаги Тарих институтининг асосий вазифалари этиб қуйидагилар белгиланди:
- замонавий ёндашувлар, тарихийлик ва холислик тамойиллари асосида минтақа тарихини, минтақанинг жаҳон цивилизацияси ривожига қўшган кўп томонлама ҳиссасини энг қадимги даврлардан то ҳозирги давргача чуқур ўрганиш;
- республиканинг бутун ҳудуди бўйлаб этнологик ва манбашунослик тадқиқотларини тизимли равишда олиб бориш;
- ўзбек халқи давлатчилиги тарихи бўйича тадқиқотларни амалга ошириш;
- тарих фанининг турли йўналишлари бўйича илмий ва илмий-педагог кадрлар тайёрлаш тизимини такомиллаштириш;
- чет эллардаги илмий муассасалар билан ҳамкорликни ривожлантириш, илмий конференция ва семинарлар, биргаликдаги тадқиқотлар, лойиҳалар, ходимларнинг малака ошириши ва ўқишини ташкил қилиш ва бошқалар.
Изоҳ (0)