Ўзбекистоннинг айрим ҳудудларида 25 июль, душанба кунига ўтар кечаси ва 25 июль куни кундузи ёғингарчилик кузатилиши мумкин. Бу ҳақда «Ўзгидромет» маркази хабар бермоқда.
Хабар беришларича, душанбага ўтар кечаси Ўзбекистоннинг тоғли ҳудудларида ҳаво ҳарорати +15...+20 даража, Тошкент шаҳрида +22...+24 даража, мамлакатнинг қолган ҳудудларида эса +20...+27 даражагача илиқ бўлади.
25 июль куни кундузи Ўзбекистоннинг тоғли ҳудудларида ҳаво ҳарорати +27...+32 даражагача, Қорақалпоғистон Республикаси ва Хоразм вилоятида эса +33...+38 даражагача кўтарилиши кутилмоқда.
Шу куни Тошкент, Самарқанд, Жиззах, Сирдарё, Андижон, Наманган, Фарғона вилоятлари ва Тошкент шаҳрида ҳаво ҳарорати +41 даражагача, Бухоро, Навоий, Қашқадарё, Сурхондарё вилоятларининг айрим ҳудудларида эса +44 даражагача кўтарилади.
«Ўзгидромет» марказидан маълум қилишларича, 25 июлга ўтар кечаси ва 25 июль куни кундузи Қорақалпоғистон Республикаси ва Хоразм вилоятининг айрим ҳудудларида қисқа муддатли ёмғир ёғиши ва момақалдироқ бўлиши мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)