Пекиндаги сафари боғида йўлбарс турист аёлни ғажиб ташлади

Хитой пойтахти Пекин четидаги Бадалин сафари боғида, мавжуд тақиққа қарамай, машинадан тушган икки сайёҳ аёлга йўлбарслар ҳужум қилди. Бунинг оқибатида улардан бири ҳалок бўлди, иккинчиси эса яраланди, деб хабар бермоқда «Корреспондент.net».

Айтилишича, аёллар жанжаллашиб қолган, улардан бири машинадан тушиб, пиёда кетмоқчи бўлган, шунда унга йўлбарс ташланиб, йўл ичкарисига судраб кетган.

Иккинчи аёл машинадан тушиб, дугонасига ёрдам беришга ошиққан, аммо шу пайтда унга бошқа йўлбарс ҳужум қилган.