АҚШ президентлик лавозимига Демократик партиядан номзод Ҳиллари Клинтон вице-президентликка ўз номзодини танлади. У Виржиния штати сенатори Тим Кейн бўлди. Бу ҳақда Клинтон Twitter’даги саҳифасида маълум қилди, дея хабар бермоқда «РБК».
«Сайловлардаги шеригимни эълон қилишдан ҳаяжондаман. Тим Кейн бошқалар учун курашга ўз ҳаётини бағишлаган одам», — дея таъкидлади Клинтон.
Кейн 58 ёшда. Bloomberg агентлигининг маълум қилишича, у католик бўлиб, испан тилида эркин сўзлашади.
2005 йилда Кейн Виржиниянинг губернатори этиб сайланган. 2012 йилда эса Виржиния сенаторлигига сайланган.
Эслатиб ўтамиз, 15 июль куни республикачи Дональд Трамп Индиана губернатори 57 ёшли Майк Пенсни вице-президентликка ўз номзоди сифатида танлаган эди.
Изоҳ (0)