Усэйн Болт россиялик енгил атлетикачиларнинг Олимпиада ўйинларидан четлаштирилишини қўллаб-қувватлади

Олти карра Олимпиада чемпиони, ямайкалик енгил атлетикачи Усэйн Болт Спорт арбитраж суди (CAS)нинг россиялик енгил атлетикачиларнинг Рио–2016 Олимпиада ўйинларидан четлаштирилиш қарорини қўллаб-қувватлади. Бу ҳақда The Guardian нашрига таяниб, «РБК» хабар бермоқда.

«Агар сизда етарлича далил бўлса ва сиз кимнидир қўлга ушлаган бўлсангиз, тегишли чора кўришингиз керак деб ҳисоблайман. Агар сиз бутун жамоани четлатиш керак деб ҳисобласангиз, мен бу қарорни қўллаб-қувватлайман. Қоидага амал қилиш керак», – деди Усэйн Болт.

• 14 та мамлакат Россия олимпия терма жамоасининг Рио—2016 да иштирок этмаслигини талаб қилиб чиқди

Аввалроқ Россия ТИВ Спорт арбитраж судининг россиялик енгил атлетикачиларни Рио–2016 Олимпиада ўйинларидан четлаштириш қарорига «ҳақиқий жиноят» деб таъриф берди.

• Россия олимпия қўмитаси CAS қарори ҳақида: энди спорт олами янги қонунларга кўра яшайди