Олмаотада 18 июль кунги отишма давомидаги ҳодисалар ҳақида ижтимоий тармоқлар орқали ёлғон маълумотлар тарқатган икки киши қўлга олинди. Бу ҳақда ИИВ шаҳар департаменти матбуот хизмати маълумотига таяниб, «Интерфакс» хабар бермоқда.
Ўтказилган тезкор тадбирлар натижасида жамоатчилик саросимаси провокаторлари — 21 ёшли талаба қиз ва 23 ёшли йигитнинг шахси аниқланган.
«Олий таълим муассасаларидан бирининг 1995 йилда туғилган талабаси, фуқаро Ч. ижтимоий тармоқларда Олмаотадаги ҳодисалар ҳақидаги хабарлар остида қолдирган изоҳларида ‘Сити Плюс’ савдо уйида гўёки одамлар гаровга олинганлиги ва қурбонлар ҳам борлиги ҳақида маълум қилган. Шу билан бир пайтда яна бир изоҳ қолдирувчи, 1993 йилда туғилган фуқаро А. шаҳарнинг қуйи қисмида 100 нафар қуролланган киши гўёки одамларга ўқ узаётганлиги ҳақида хабарлар тарқатган», — дейилади хабарда.
Матбуот хизматининг маълум қилишича, уларнинг ҳар иккаласига нисбатан яқин вақт ичида жазо чораси тайинланади.
Эслатиб ўтамиз, 18 июль куни Олмаотада номаълум шахслар Қозоғистон Миллий хавфсизлик қўмитаси Олмаота шаҳар департаменти ва шаҳарнинг Алмали тумани полиция департаменти биноларига ҳужум уюштирган эди.
Изоҳ (0)