Ижтимоий тармоқларда хонанда Дилфуза Исмоилова тўй маросими вақтида чинозлик Аҳмадбойни дуо қилаётгани тасвирланган видеолар пайдо бўлди. Видео айнан қачон, қайси тўйда олингани маълум эмас.
Дилфуза Исмоилова: «Бахтимизга, бой отамиз соғ бўлсинлар, умрлари узоқ бўлсин! Аллоҳ сизни ўз паноҳида асрасин. Бой отамизни ёмон кўзлардан, ёмон одамлардан Худо асрасин!», — деб ният билдирган.
«Qalampir.uz» нашрининг ёзишича, мазкур видео ижтимоий тармоқларда қизғин муҳокамаларга сабаб бўлмоқда. Масалага ойдинлик киритиш мақсадида нашр мухбирлари хонанда билан боғланган.
«Аҳмадбой қариндошларимиздан бири бўлган. Сиз айтаётган видеода эса номақбул ҳолат йўқ. Мен у кишиннинг хонадонида тўйда қатнашганман. Бу видео шу тўйда олинган», — деди Дилфуза Исмоилова.
Маълумот учун, бир неча йил давомида икки баробар қилиб қайтариш ваъдаси билан жуда катта миқдордаги омонат маблағларини миллий ва хорижий валютада қабул қилиш билан ноқонуний равишда шуғулланиб келган, чинозлик Аҳмадбой номи билан танилган Аҳмад Турсунбоев 15 июнь куни ҳуқуқ-тартибот органлари томонидан ҳибсга олинган эди.
Аҳмадбой ҳибсга олинганидан сўнг, ижтимоий тармоқлар ва оммабоп мессенжерларда унга пул бергани тахмин қилинган санъаткорларнинг рўйхатлари пайдо бўлди. Аниқлиги гумон остида бўлган бу рўйхатларга киритилган санъаткорларнинг баъзилари, хусусан, Муниса Ризаева, Раъно Ярашева, Адҳам Солиев кабилар Аҳмадбойга пул берганини рад этиб чиқди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)