Миясининг 90 фоизисиз яшаётган мижоз олимларни ҳайратга солди

Миясининг 90 фоизисиз яшаётган мижоз олимларни ҳайратга солди. Бу ҳақда TJournal хабар бермоқда.

Эркакнинг миясини сканерлаш тасодифан рўй берди. У касалхонага чап оёғидаги қувватсизликдан шикоят қилиб келди, бироқ шифокор уни томограммага жўнатди.

МРТ натижалари эркак бош суяги деярли буткул суюқлик билан тўла эканлигини кўрсатди. Фақат мия моддасидан иборат юпқа ташқи қатлам қолган, миянинг ички қисмини эса йўқ деса ҳам бўлади.

Юқоридаги суратда чапда мияси суюқлик билан тўла мижоз томограммаси кўрсатилган, ўнгда эса одатий мия бош суягини кўришингиз мумкин.