Россияда коинотдан ядро қуроли билан зарба беришга қодир гипертовушли стратегик бомбардимончи самолёт ишлаб чиқилмоқда. Бу ҳақда Стратегик ракета қўшинлари ҳарбий академияси филиали ўқитувчиси подполковник Алексей Солодовников маълум қилди, дея хабар беради «Газета.ru».
«Самолёт ҳаво кенгликларини патруллаш учун одатий аэродромлардан парвоз қилади. Буйруққа биноан коинотга йўл олади, зарба бериш (жумладан, ядро қуроли билан) бўйича вазифани бажаради ва ўз аэродромига қайтади. Бу стратегик ҳаво кемаси, катта имкониятларга эга ва коинотга чиқиш орқали бир—икки соат давомида сайёранинг исталган нуқтасига етиб бориши мумкин», — дея таъкидлади Солодовников.
Яратилишига Марказий аэрогидродинамика институти ҳам жалб этилган бомбардимончининг оғирлиги 20—25 тонна атрофида чиқиши ва ракета тартибида гипертовушга эга бўлиши билдирилмоқда.
Изоҳ (0)