Болгария қирғоқлари яқинидаги Қора денгизда 11 июль, душанба куни НАТОга аъзо бир қатор мамлакатларнинг кемалари ва Шимолий Атлантика иттифоқи шериклари иштирокида «Бриз–2016» ҳарбий-денгиз кучлари ўқув машғулотлари бошланди. Бу ҳақда «Интерфакс» хабар бермоқда.
Маълум бўлишича, бошланган ўқув машғулотларни Қора денгизнинг ғарбий қисмида жойлашган «Лиман» разведка кемаси кузатмоқда.
Қайд этилишича, «Бриз–2016» ўқув машғулотларида иштирок этиш учун Греция, Туркия ва Испания ҳарбий-денгиз кучлари ҳамда НАТОнинг минага қарши иккинчи доимий гуруҳ кемаси Қора денгизга кириб келди.
17 июлга қадар давом этадиган ўқув машғулотларига жами 25 та кема, катерлар ва ёрдамчи кемалар жалб этилди.
Изоҳ (0)