Португалия терма жамоаси ҳужумчиси Криштиану Роналду Италия терма жамоасининг собиқ ўйинчиси Стефано Боргоновонинг беваси Шантални Францияга қарши Евро–2016 финал учрашувига таклиф қилди. Бу ҳақда «Stadion.uz» хабар бермоқда.
Боргоново 2013 йилда амиотрофик склероздан вафот этди. У умрининг охирги йилларида буткул фалаж бўлиб қолганди.
«Стефано ажойиб футболчи, майдонда ҳақиқий жангчи бўлган. Мен у ҳақда Карло Анчелоттидан эшитганман, у Стефано билан яқин бўлган», — деди Роналду.
Эслатиб ўтамиз, Португалия ва Франция терма жамоалари ўртасидаги Евро–2016 финал баҳси 10 июль, якшанба куни Тошкент вақти билан 23:59 да бошланади.
Изоҳ (0)