LG G5 да 360 даражали гулқоғозлар билан виртуал реаллик

Бепул сферик гулқоғозларни (обойларни) LG Smart World’га юклаб олишингиз мумкин.

LG Electronics (LG) компанияси  чиройли панорамали расмларни бепул юклаб олишни таклиф этади, шу тариқа LG фойдаланувчилари ўзларининг G5 смартфонларида 360 даражали тасвирларнинг салоҳиятини тўлиқ ҳис қилиши мумкин бўлади.

360 Wallpaper функцияси фойдаланувчиларга сферик тасвирларни LG G5 нинг асосий экранига фон тасвири сифатида ўрнатиш имконини беради. Телефон ҳаракатланганида ёки экран варақланганда фон виртуал реаллик қурилмаларидаги каби жонланади. 360 даражали суратларни Cinematic View’да кўриш мумкин, LG 360 CAM модули эса сферик тасвирлар ярата олади, бу тасвирлардан ўз ўрнида G5 учун гулқоғоз сифатида фойдаланиш ёки Google Street View’га юклаш мумкин.

LG G5 фойдаланувчиларида профессионал сураткашлар томонидан яратилган ажойиб гулқоғозларга бепул эгалик қилиш имкони пайдо бўлди, бундан ташқари, ҳаяжонга солувчи манзаралар ва дунёнинг машҳур шаҳарлари суратлари ҳам бетакрор гулқоғозларда ўз аксини топган. LG Smart World’да 22 та сурат юклаб олиш учун тайёр, ноябргача ҳар ойда тўрттадан янги сурат мунтазам равишда қўшиб борилади.

«G5 фойдаланувчиларни мобил ўйин тажрибаси билан таъминлаш мақсадида яратилган ва 360 даражали тасвирлар ушбу тажрибанинг асосий қисми ҳисобланади, — деди LG Mobile Communications компаниясининг вице-президенти ва маркетинг алоқалари раҳбари Крис Йи. — 360 даражали суратлар технологияси ҳозирча бошланғич босқичда, бироқ биз бу технология мобил қурилмалар соҳасига виртуал реалликдаги инновацияларни олиб киради, деб ҳисоблаймиз».

Профессионал тасвирлар LG Smart World дастурлар дўконида 2016 йилнинг ноябрь ойи охиригача хизматингизда бўлади. 360 даражали гулқоғозларни ўз смартфонларида қўллашга қизиқиб қолган LG G5 эгаларига «LGWorld.com» манзилига ташриф буюриш ёки гулқоғозлар ҳақида қўшимча маълумотга эга бўлиш учун Android–дастурни юклаб олиш тавсия этилади.

Реклама ҳуқуқи асосида