Ироқда мақбарага уюштирилган ҳужум оқибатида 35 киши ҳалок бўлди

Ироқда Бағдоддан шимолда жойлашган шиалар мақбарасига ҳужум уюштирилиши оқибатида 35 киши ҳалок бўлди. Бу ҳақда, Reuters агентлиги маълумотига таяниб, «Газета.ru» хабар бермоқда.

Шунингдек, теракт оқибатида жабрланганлар сони 60 кишидан ошганлиги таъкидланмоқда.

Ҳужум учун жавобгарликни ИШИД террорчилик гуруҳи ўз зиммасига олди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.