Сўровнома: Исландиялик эҳтиросли шарҳловчи ҳақида қандай фикрдасиз?

Евро–2016 турнири гуруҳ босқичининг сўнгги турида мусобақа дебютанти — Исландия терма жамоаси Австрия футболчиларига қарши баҳс олиб бориб, ўйиннинг сўнгги сонияларида Арнор Траустасон томонидан киритилган гол эвазига 2:1 ҳисобида зафар қучиб, нимчорак финалга чиққанди.

Ўшанда ўйинни шарҳлаб борган исландиялик шарҳловчи Гудмундур Бенедиктссон мамлакат термасининг ғалабасидан таъсирланиб, катта эҳтиросга берилган ҳолда голли вазиятга шарҳ берган эди.

• Исландиялик футбол ишқибози Исландия – Англия учрашувига бориш учун Boeing 737 самолётини ижарага олди

Мусобақа сенсациясига айланиб улгурган Исландия терма жамоаси нимчорак финалда Англияни 2:1 ҳисобида мағлубиятга учратиб, чорак финалга йўл олди. Ушбу ўйиннинг 18-дақиқасида Колбейн Сигторссон томонидан гол киритилган вазиятда Бенедиктссон ўз эҳтиросларини жиловлай олмади ва ҳайқириқли шарҳи билан кўпчиликни яна ҳайратга солди. Исландиялик шарҳловчининг эҳтиросли шарҳининг видеоси YouTube’га жойлаштирилди.

• Евро–2016 даги муваффақиятли иштирокидан сўнг Исландия термаси футболкаларининг сотуви 1800 фоизга ошди

Қайд этиш керакки, эҳтиросли шарҳи билан танилган Гудмундур Бенедиктссон профессионал шарҳловчи эмас. Унинг асосий иш жойи «Рейкьявик» футбол клуби бўлган ва у жамоа бош мураббийи ёрдамчиси бўлиб ишлаган. Клуб сўнгги 7 ўйиндан 6 тасида мағлубиятга учрагани учун «Рейкьявик» раҳбарияти бош мураббий Бьярни Гудьонсен ва унинг мураббийлар штабини, шу жумладан, Бенедиктссонни истеъфога чиқарди.

[playbuzz-item playbuzz_url="https://www.playbuzz.com/muhrima10/islandiyalik-ehtirosli-sharhlovchi-haqida-qanday-fikrdasiz"]