Канаданинг Миссиссога шаҳрида жойлашган бир нечта уйда портлашлар содир бўлди. Бу ҳақда CTV’га таяниб, «Интерфакс» хабар бермоқда.
CTV’нинг маълум қилишича, портлашлар натижасида 25 та уй шикастланган, шулардан 6 тасига катта зарар етган. Шунингдек, 1 киши ҳалок бўлгани ва бир нечта одам жароҳат олгани хабар қилинмоқда.
Портлашлар содир бўлган жойнинг ён атрофидаги аҳоли эвакуация қилинди. Қутқарувчилар катта булутли чанг пайдо бўлгани ҳақидаги хабардан сўнг воқеа жойига етиб келган.
Вужудга келган катта миқдордаги чанг туфайли маҳаллий аҳолига ҳимоя ниқобларини тақиш тавсия этилди.
Изоҳ (0)