Kanadaning Mississoga shahrida joylashgan bir nechta uyda portlashlar sodir bo‘ldi. Bu haqda CTV’ga tayanib, “Interfaks” xabar bermoqda.
CTV’ning ma’lum qilishicha, portlashlar natijasida 25 ta uy shikastlangan, shulardan 6 tasiga katta zarar yetgan. Shuningdek, 1 kishi halok bo‘lgani va bir nechta odam jarohat olgani xabar qilinmoqda.
Portlashlar sodir bo‘lgan joyning yon atrofidagi aholi evakuatsiya qilindi. Qutqaruvchilar katta bulutli chang paydo bo‘lgani haqidagi xabardan so‘ng voqea joyiga yetib kelgan.
Vujudga kelgan katta miqdordagi chang tufayli mahalliy aholiga himoya niqoblarini taqish tavsiya etildi.
Izoh (0)