Евро—2016 да жавлон ураётган Исландияда 23 нафар футболчи қандай топилган?

Бор йўғи 330 мингга яқин аҳолиси бор деб айтилаётган Исландия терма жамоасининг футбол бўйича Европа Чемпионатида муваффақиятли иштирок этаётгани кўпчиликнинг олқишига сазовор бўлди.

• Евро—2016. «Исландия эртаги» давом этади. Евро дебютанти Англия термасини мусобақадан чиқариб юборди

• Евро–2016 даги муваффақиятли иштирокидан сўнг Исландия термаси футболкаларининг сотуви 1800 фоизга ошди

Миллионлар ўйинига бефарқ бўлмаган кишилар 320 минг одам ичидан 23 та забардаст футболчи топиш мумкин эканлиги борасида қизиқарли баҳс-мунозарага киришиб кетди. Бундай фикрлар орасида 1 миллиарддан кўпроқ аҳолиси бор Хитой ёки Ҳиндистон терма жамоаларининг футболдаги муваффақияти ҳақида гапираётганларни ҳам учратиш мумкин.

• Исландиялик футбол ишқибози Исландия – Англия учрашувига бориш учун Boeing 737 самолётини ижарага олди

• Англиялик футболчилар, ЕЧ–2016 да Исландия термасидан мағлуб бўлса, ушбу давлатда бепул дам олади

• Видео: Исландиянинг ғалабасидан деярли бўғилиб қолган шарҳловчи

Европа Чемпионатида муваффақиятли тўп сураётган 23 нафар футболчи қандай топилгани қуйида ҳисоб-китоб қилинган. Унда аҳолининг умумий сонидан терма жамоага чақирилиши мумкин бўлмаган тоифалар айириб чиқилган.

Умумий яшовчилар	334.319
Аёллар	-170.503
18 ёшдан кичик эркаклар	-40.121
35 ёшдан катта эркаклар	-85.670
Жуда семиз одамлар	-24.775
Моҳир кит овловчилар	-788
Вулқон кузатувчилари	-321
Қўй боқувчилар (ҳозир айни мавсуми)	-2.856
Қамоққа олинган банк менежерлари	-23
Бир оёқлилар	-189
Кўзи ожизлар	-265
Стадиондаги исладиялик мухлислар	-8.781
Жамоа шифокори, ошпази ва уқаловчиси	-3
Мураббий	-1
Қолдиқ	23

Албатта буларнинг бари ҳазил. Исландия терма жамоаси эса бутун дунё кўз ўнгида ҳеч ким билан ҳазиллашмаяпти.