Yevro—2016 da javlon urayotgan Islandiyada 23 nafar futbolchi qanday topilgan?

Bor yo‘g‘i 330 mingga yaqin aholisi bor deb aytilayotgan Islandiya terma jamoasining futbol bo‘yicha Yevropa Chempionatida muvaffaqiyatli ishtirok etayotgani ko‘pchilikning olqishiga sazovor bo‘ldi.

• Yevro—2016. “Islandiya ertagi” davom etadi. Yevro debyutanti Angliya termasini musobaqadan chiqarib yubordi

• Yevro–2016 dagi muvaffaqiyatli ishtirokidan so‘ng Islandiya termasi futbolkalarining sotuvi 1800 foizga oshdi

Millionlar o‘yiniga befarq bo‘lmagan kishilar 320 ming odam ichidan 23 ta zabardast futbolchi topish mumkin ekanligi borasida qiziqarli bahs-munozaraga kirishib ketdi. Bunday fikrlar orasida 1 milliarddan ko‘proq aholisi bor Xitoy yoki Hindiston terma jamoalarining futboldagi muvaffaqiyati haqida gapirayotganlarni ham uchratish mumkin.

• Islandiyalik futbol ishqibozi Islandiya – Angliya uchrashuviga borish uchun Boeing 737 samolyotini ijaraga oldi

• Angliyalik futbolchilar, YeCh–2016 da Islandiya termasidan mag‘lub bo‘lsa, ushbu davlatda bepul dam oladi

• Video: Islandiyaning g‘alabasidan deyarli bo‘g‘ilib qolgan sharhlovchi

Yevropa Chempionatida muvaffaqiyatli to‘p surayotgan 23 nafar futbolchi qanday topilgani quyida hisob-kitob qilingan. Unda aholining umumiy sonidan terma jamoaga chaqirilishi mumkin bo‘lmagan toifalar ayirib chiqilgan.

Umumiy yashovchilar	334.319
Ayollar	-170.503
18 yoshdan kichik erkaklar	-40.121
35 yoshdan katta erkaklar	-85.670
Juda semiz odamlar	-24.775
Mohir kit ovlovchilar	-788
Vulqon kuzatuvchilari	-321
Qo‘y boquvchilar (hozir ayni mavsumi)	-2.856
Qamoqqa olingan bank menejerlari	-23
Bir oyoqlilar	-189
Ko‘zi ojizlar	-265
Stadiondagi isladiyalik muxlislar	-8.781
Jamoa shifokori, oshpazi va uqalovchisi	-3
Murabbiy	-1
Qoldiq	23

Albatta bularning bari hazil. Islandiya terma jamoasi esa butun dunyo ko‘z o‘ngida hech kim bilan hazillashmayapti.