«ВKонтакте» ижтимоий тармоғи ва Telegram мессенжери асосчиси Павел Дуров махсус хизматларга шифр калитлари берилишини кўзда тутувчи «Яровая қонун лойиҳаси» талабларини бажармайди. Бу ҳақда TJournal хабар бермоқда.
«Telegram шифрлаш маълумотлари ёки калитларини учинчи шахслар, жумладан, ҳукуматга бермайди. Айрим мамлакатларда қабул қилинадиган қонунлар ушбу сиёсатга таъсир ўтказмайди», — дея таъкидлаган Дуров.
24 июнь куни Россия Давлат думаси депутат Ирина Яровая ва сенатор Виктор Озеров томонидан киритилган аксилтеррор қонун лойиҳасини иккинчи ва учинчи ўқишда қабул қилди. Ушбу лойиҳа ахборот тарқатиш ташкилотчиларини маълумотлар шифрланган тақдирда махсус хизматларга уларни ўқиш имконини берувчи манбаларни тақдим этиш мажбуриятини юклайди. Бундан бош тортилган тақдирда 1 миллион рублгача жарима кўзда тутилган.
Изоҳ (0)