Tesla Motors раҳбари Илон Маск қуёш панелларини ишлаб чиқарувчи SolarCity компанияси харид қилиниши туфайли Tesla Motors капитализацияси 1 триллион долларга етиши мумкинлигини айтди, деб ёзади «Коммерсантъ».
Унинг сўзларига кўра, иккала компания ҳам дастлаб капитализацияда йўқотишларга учраши мумкин. Бироқ Илон Маск SolarCity келаси уч—олти ой давомида пул оқимларининг ижобий сальдосига эга бўлишига ишонади. Унинг аниқлик киритишича, SolarCity’ни харид қилиши Tesla’нинг пул маблағларига эҳтиёжига таъсир ўтказмайди. Шунингдек, олди-сотди компания йил охиригача пул оқимларининг ижобий сальдосига эга бўлиши ҳақидаги прогнозларга ҳам таъсир қилмаслиги керак.
Аввалроқ Tesla Motors компанияси (асосчиси ва бош директори — Илон Маск) қуёш энерготизимларини яратиш билан шуғулланадиган SolarCity компаниясини сотиб олишни таклиф қилган эди. Илон Маск ушбу энергетика компаниясининг ҳам энг йирик акциядори ва директорлар кенгаши раисидир.
Изоҳ (0)