Олий лига. «Металлург» Наманганда зафар қучиб, 3-ўринга кўтарилди. «Бухоро» эса «Пахтакор»дан ўзиб кетди

Футбол бўйича Ўзбекистон Олий Лигасида 13-турнинг яна 4 та беллашуви ўз якунига етди. Ундан ўрин олган «Локомотив» ва «Қизилқум» клублари ўйинигина номаълум муддатга қолдирилган.

• Олий Лига. «Пахтакор» мавсумдаги тўртинчи мағлубиятини «Шўртан»дан қабул қилиб олди

Қўлга киритилган 1 очко «Бухоро»ни 5-ўринга олиб чиқди. Ғузорда мағлуб бўлган «Пахтакор» автоматик равишда 6-поғонага тушди. «Қизилқум» «Локомотив»га қарши ўйинда очко ишласа, «Пахтакор» яна битта ўрин шўнғишга мажбур бўлади.

13-турнинг марказий ўйинида «Насаф»ни қабул қилган «Нефтчи» 2:2 ҳисобига имзо чекди. 89-дақиқада Артур Геворкян Қарши клубини мағлубиятдан қутқариб қолган голга муаллифлик қилди. Фарғоналиклардан Шукурали Пўлатов эса сўнгги дақиқадаги пенальтидан дарвоза тўрини эмас, тўсинини аниқ нишонга олди.

«Насаф»нинг мағлуб бўлмагани Рўзиқул Бердиев жамоасига 1 очкодан бошқа фойда келтирмади. Наманганда «Навбаҳор»ни мағлуб этган «Металлург» турнир жадвалида 3-ўринга кўтарилиб, «Насаф»ни 4-ўринга туширди.

• Видео: «Олмалиқ» футболчиси 70 метр масофадан гол урди

«Нефтчи» — «Насаф» 2:2

«Машъал» — «Қўқон—1912» 2:0

«Навбаҳор» — «Металлург» 0:1

«Сўғдиёна» — «Бухоро» 0:0