Футбол бўйича Ўзбекистон Олий Лигаси 12-туридан ўрин олган «Андижон» — «Олмалиқ» учрашувида меҳмонлар ярим ҳимоячиси Диёр Туропов қарийб 70 метр масофадан гол урди. Гол видеоси YouTube’да эълон қилинган.
Учрашув охирида 0:1 ҳисобида имкониятни бой бераётган «Андижон» футболчилари бутун жамоа бўлиб ҳужумга ўтган. Хусусан, «Олмалиқ» дарвозаси олдида бурчак зарбаси амалга оширилаётганида, «Андижон» дарвозабони ҳам ҳужумга қўшилган.
Бироқ «Олмалиқ» футболчилари «Андижон»нинг бу ҳужумини осон қайтарган, «Андижон» дарвозабони ўз ўрнига қайтишга улгурмаган, «Олмалиқ» ярим ҳимоячиси Диёр Туропов бўм-бўш дарвозани осонлик билан ишғол қилган.
«Андижон» — «Олмалиқ» учрашуви 2:0 ҳисобида меҳмонлар фойдасига ҳал бўлган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)