Буюк Британияда қиролича Елизавета II бобо ва бувисининг ер-мулки 30 миллион фунт стерлингга (44 миллион доллар атрофида) сотувга қўйилди. Хартфордшир графлигидаги Woolmers Park Estate тарихий ва меъморий ёдгорлик ҳисобланади, дея хабар беради «Ведомости».
Woolmers Park Estate 1730 йилдан сўнг қурилган. 1927 йилда қироллик оиласи ихтиёрига ўтган ва оила аъзолари бу ерда иккинчи жаҳон урушига қадар аксарият вақтини ўтказган. 1949 йилда қироллик оиласи ер-мулкни сотиб юборган, ҳозирги эгаси эса уни 1997 йилда харид қилган.
Ер-мулк ҳудудининг умумий майдони 94 гектардан иборат. Бу ердаги иморатларда бешта меҳмонхона, саккизта ётоқхона, шунча ювиниш хонаси мавжуд. Шунингдек, ходимлар учун алоҳида квартира, очиқ ва ёпиқ бассейн, отхона, гаражлар, поло ўйини учун тўртта майдон жойлашган.
Изоҳ (0)