Санкт-Петербург расмийлари шаҳардаги кўприклардан бирига Чеченистоннинг биринчи президенти Аҳмад ҳожи Қодиров номини беришга қарор қилди. Бу ҳақда шаҳар маъмурияти ахборот бошқармаси бошлиғи Андрей Кибитов маълум қилди, дея хабар беради «ТАСС».
«Мамлакатнинг ҳар бир қаҳрамони номи ундаги шаҳарларда абадийлаштиришга ҳақли. Бу Петербург анъаналарини бузмайди, аксинча, Россия тарихи ва ундан муносиб ўрин олган шахсларга ҳурматимизни билдиради», — дея таъкидлаган Кибитов.
Шаҳарнинг Дудергофка дарёси бўйлаб ўтказилган янги кўприклардан бирини Қодиров номи билан аташ таклифини бир неча жамоат ташкилотлари билдирганди. Губернатор Георгий Полтавченко номи бериладиган шахс шаҳар тарихи билан боғлиқ бўлиши кераклигини рўкач қилиб, бу ташаббусга қарши чиққан, бироқ масалани кўриб чиқишни шаҳар маъмурияти маданият ишлари қўмитасига топширганди.
Изоҳ (0)