Қирғизистон махсус хизматлари хорижлик ҳамкасблари билан ҳамкорликда қатор терактлар ва қўпорувчиликларнинг олдини олди. Бу ҳақда президент Алмазбек Атамбаев халқаро аксилтеррор анжуман қатнашчиларига йўллаган қутловида маълум қилди, дея хабар беради «РИА Новости».
«Кейинги йилларда махсус хизматларимиз, жумладан, чет эллик ҳамкасблари билан ўзаро алоқадорликда, мамлакатимиз ҳудудида бир қатор терактлар ва диверсияларнинг олдини олишга муваффақ бўлди. Қирғизистон экстремизмга қарши кураш бўйича глобал мулоқот ва ҳаракатлар жараёнининг фаол қатнашчиси бўлиб келмоқда», — дея таъкидлаган президент.
Маълумот учун, 16 июнь, пайшанба куни Қирғизистонда МДҲ Аксилтеррор маркази томонидан ташкил этилган «Замонавий коммуникацион технологиялар ривожланган шароитда террорчи ва экстремистик ташкилотлар фаолиятига қарши туришда халқаро ҳамкорлик» мавзусидаги анжуман ўз ишини бошлади.
Изоҳ (0)